Zikloari hasiera emateko, Zubipeko Bertsoak<\/strong> izeneko bertsojaialdia programaturik dago irailaren 12an, zubi erromanikoaren azpian. Bertan Alaia Mart\u00edn, Sustrai Colina, Xabat Illarregi, Sarai Robles bertsolariek eta Aimar Karrika gai-jartzaileak parte hartuko dute. Urriaren 2an, Vinculon, Aritz Iba\u00f1ez<\/em>ek Gares bisitatuko du Nora?, Nora? Gure Olentzero<\/strong> hitzaldiarekin, Olentzeroren ospakizun solstizialean izandako aldaketei buruzko hausnarketa antropologikoa egiteko. Urriaren 6an, liburutegian, Koldo Colomo<\/em>k Palabras vascas de Artajona<\/strong> liburua aurkeztuko du, Artaxoako euskaraz zer dakigun kontatzeko. Azken urteotan bezala, Gau Beltza<\/strong>n kalaba tailerra eginen da, bertze garai batean Garesen kalabazen ospakizuna nolakoa zen gogoraraziz. Azaroaren 10ean, 17an eta 24an, Izarbeibarko euskararen aldaerara<\/strong> hurbiltzeko doako tailer bat izanen da euskara maila altua duten hiztunendako. Tailerrean izena ematea derrigorrezkoa da, eta horren helburuetako batzuk Nafarroako euskalkietara hurbiltzea eta erregistro informala aberastea izanen dira. Azaroaren 13an, liburutegian, Amaia Aizpun<\/em>ek Bubblia<\/strong> aurkeztuko du, euskarazko haur album ilustratua. Aiurik, kontakizuneko protagonista garestarrak, hasierako bidaia bat eginen du gurasoak banandu ondoren. Azaroaren 27an, Emilio Arrieta abesbatza<\/strong>k Gauren kantak<\/em> izeneko kontzertua emanen du, euskal musikaren kanta klasikoak eta modernoak eskaintzeko. Zikloa amaitzeko, abenduaren 23an, Hodei Magoa<\/strong> Garesa etorriko da\u00a0 Tutti Magia<\/em> ikuskizuna aurkezteko, non ibilbide bat eginen digu magiaren munduko hainbat diziplinetan barrena.<\/p>\n