Epea eta tokia

Eskaerak udal erregistroan aurkeztuko dira, epe honen barnean:

Ekainaren 16tik uztailaren 4a arte.

Betebeharrekoak

1. 16 urtetik gorakoa izatea.
2. Garesko erroldan inskribatuta egotea, eskakizuna aurkeztu baino urte bat lehenago. Ikasturtearen bukaerako egunean ere eskatzaileak erroldaturik egon beharko da. Horrela ez bada, baja dataren araberako ordainketa proportzionala eginen zaio. Administrazio publikoko langileak diren eta euskara ikasteko planetan dabiltzan garestarrek ezin izanen dute parte hartu deialdi honetan.
3. Nafarroako Gobernuak euskara ikasteko dirulaguntza deialdia aterako balu, hura ere eskatzea beharrezkoa izanen da, salbuespenak salbuespen: eskaeraren tramitazioa gauzatzeko arazoa administratiboa izan dutenak.
4. Diruz lagunduko dira euskara ikastea helburu duten ikastaro homologatu mota guztiak: estentsiboak (120 ordu baino gehiago), trinkoak (70 ordu baino gehiago) eta barnetegiak (gutxienez 6 egun).Eskatzaileek bakarrik jaso ahalko dute beka maila bereko ikastaro batengatik. Salbuespenak aztertuko ditu organo eskudunak, betiere, eskatutako gutxieneko asistentzia egiaztatzen bada (eskola ordu guztien %75 izanik).

Aurkeztu beharreko dokumentazioa

1. Eskabide orokorrarekin batera ondokoa aurkeztuko da:

– Familiaren diru-sarrera gordinak adierazten dituen dokumentazioa.

– Ikastaroa antolatzen duen erakundeak izenpeturiko dokumentua, non hari buruzko baldintzak azaldu behar diren: iraupen datak, maila, ordu kopurua eta ikastaroaren kostua.

– Matrikularen ordainagiria.

-Diru-laguntza jasotzeko nahi den banku-libretako lehen orriaren fotokopia.

2. Diruz lagundutako ikastaroa bukatu eta gero, edonola ere, 2024ko uztailaren 5a baino lehen:

-Euskaltegiak egindako asistentzia-agiria gehitu beharko da. Dirulaguntza eskuratu ahal izateko asistentziak % 75tik gorakoa izan beharko du. Bertan ikasleak gainditutako urratsa edo urratsak ere azalduko dira. Eskatutako agiri guztiak jatorrizkoak izanen dira, edo bestela, Udalak konpultsatuak.

– Elbarritasun ziurtagiria, izanez gero.

–Beste dirulaguntzaren bat jasotzen den aitorpen sinatua betetzea. Zinpekoa

Deialdia Bases_convocatoria_aprendizaje_euskera_curso_2024-2025_-_SEFYCU_183833 (1)