Martxoaren 9tik 13ra zabalduko da 2026-2027ko aurre-matrikulazio epea eta Nafarroako hainbat toki entitatek elkarlanean prestatu dute D ereduaren aldeko kanpaina.

Kanpainaren bidez, familiei D ereduari eta haren onurei  buruzko informazioa helarazi nahi zaie ondoko informazio webgunean.

Webgune horretan, besteak beste, D ereduari buruzko informazioa jaso ahal  izanen duzu, edo maiz eginiko galderei (FAQ) emaniko erantzunak  hainbat  hizkuntzatan kontsultatu ahal izanen dituzu. Gainera, interesa duen herritar orok informazio gehiago jasotzeko aukera  izanen du euskara@gares.eus helbidera posta bat bidaliz edo udal euskara zerbitzuaren bulegora bertaratuz.